🎤భారత్ ఆవాజ్ న్యూస్ ప్రతినిధి జగదీష్ 

కొమురం భీం ఆసిఫాబాద్ జిల్లా, ఆసిఫాబాద్ మండల పరిధిలోని తూంపల్లి గ్రామ పంచాయతీలో కేంద్ర ఎన్నికల సంఘం ఆదేశాల మేరకు తెలంగాణ రాష్ట్రవ్యాప్తంగా ప్రతిష్టాత్మకంగా ప్రారంభమైన ఓటర్ల ప్రత్యేక సమగ్ర సవరణ సర్వే (SIR) ప్రక్రియ క్షేత్రస్థాయిలో వేగవంతంగా సాగుతోంది. ఇందులో భాగంగా, నేడు తూంపల్లి గ్రామ పంచాయతీ గౌరవ సర్పంచ్ టేకం ఈశ్వరి గారి ఆధ్వర్యంలో ఎస్.ఐ.ఆర్ (S.I.R) సర్వే ఫామ్స్ పంపిణీ కార్యక్రమం ఘనంగా నిర్వహించారు. ప్రతి ఓటరు తమ ఓటు హక్కును భద్రపరుచుకోవడానికి, కొత్త ఓటర్ల నమోదు మరియు తప్పుల సరిదిద్దడానికి జూలై 24 వరకు జరిగే ఈ ఇంటింటి సర్వే అత్యంత కీలకమని, గ్రామస్థులందరూ సర్వే సిబ్బందికి సహకరించాలని ఈ సందర్భంగా కోరారు. ఈ కార్యక్రమంలో వార్డు సభ్యులు బోయిని చంద్రయ్య గారు, మాజీ సర్పంచ్ టేకం బాబురావు గారు, ఫీల్డ్ ఆఫీసర్ కేశవరావు గారు, డీలర్ రేఖల సుదర్శన్ గారు, నాగుబాయ్ గారు, కారోబార్ సాబీర్ గారు మరియు గ్రామ పెద్దలు, ప్రజలు పెద్ద సంఖ్యలో పాల్గొని కార్యక్రమాన్ని విజయవంతం చేశారు.