కొమురం భీం ఆసిఫాబాద్ జిల్లాలో అంతరాయం లేని విద్యుత్ సరఫరాకు ప్రత్యేక ప్లాన్

🎤కొమురం భీం ఆసిఫాబాద్ జిల్లా భారత్ అవాజ్ న్యూస్ ప్రతినిధి జగదీష్ 

ఆసిఫాబాద్: రాబోయే వర్షాకాలంలో విద్యుత్ సరఫరాకు ఎలాంటి అంతరాయం కలగకుండా ఆసిఫాబాద్ జిల్లాలో ప్రత్యేక ‘హైపర్’ యాక్షన్ ప్లాన్ అమలు చేస్తున్నట్లు సర్కిల్ సూపరింటెండింగ్ ఇంజనీర్ ఉత్తమ్ జాడే తెలిపారు. భారీ వర్షాలు, ఈదురు గాలుల వల్ల ఏర్పడే విద్యుత్ సమస్యలను వేగంగా పరిష్కరించేందుకు 6 అంచెల ప్రత్యేక కార్యాచరణను రూపొందించినట్లు వివరించారు. భవిష్యత్తులో వచ్చే విద్యుత్ లోపాలను ముందస్తుగానే గుర్తించేందుకు AI, SCADA, GIS, OMS వంటి అత్యాధునిక సాంకేతికతలను వాడుతున్నామని, ఎమర్జెన్సీ వాహనాల సహాయంతో ఎప్పటికప్పుడు మరమ్మతు పనులు వేగంగా పూర్తి చేసి నిరంతర విద్యుత్ సరఫరా అందిస్తామని స్పష్టం చేశారు.