నందిగామలో అశోక్ అగ్రికల్చర్ వర్క్ షాప్ ప్రారంభం
నందిగామ పట్టణం రామన్నపేట రోడ్డు బైపాస్‌లోని రమణ కాలనీ ఫ్లైఓవర్ క్రింద నూతనంగా ఏర్పాటు చేసిన అశోక్ అగ్రికల్చర్ వర్క్ షాపును ఆంధ్రప్రదేశ్ ప్రభుత్వ విప్ ఎమ్మెల్యే శ్రీమతి తంగిరాల సౌమ్య నందిగామ మార్కెట్ యార్డ్ వైస్ చైర్మన్ అమ్మినేని జ్వాల ప్రసాద్, విజయ డైరీ డైరెక్టర్ మరియు కూటమి నేతలతో కలిసి ఘనంగా ప్రారంభించారు.
ఈ సందర్భంగా ఎమ్మెల్యే శ్రీమతి తంగిరాల సౌమ్య గారు మాట్లాడుతూ రైతులకు అవసరమైన వ్యవసాయ యంత్రాలు, పరికరాలు, మరమ్మత్తు సేవలు స్థానికంగానే అందుబాటులోకి రావడం ఆనందకరమని తెలిపారు.రైతులకు నాణ్యమైన సేవలు అందిస్తూ వ్యవసాయ రంగ అభివృద్ధికి ఈ వర్క్ షాప్ ఉపయోగపడాలని ఆకాంక్షించారు. అనంతరం వర్క్ షాప్ నిర్వాహకులను అభినందించిన ఎమ్మెల్యే, వ్యాపార సంస్థలు ప్రజలకు విశ్వసనీయ సేవలు అందిస్తూ అభివృద్ధి చెందాలని కోరారు. కార్యక్రమంలో కూటమి నాయకులు, స్థానిక ప్రజాప్రతినిధులు, కార్యకర్తలు, రైతులు మరియు అభిమానులు పెద్ద సంఖ్యలో పాల్గొన్నారు.
