నందిగామ వాసవి క్లబ్ ఆధ్వర్యంలో ఉచిత వైద్య శిబిరం
నందిగామలో వాసవి క్లబ్స్ ఆధ్వర్యంలో ఉచిత వైద్య శిబిరం.
ఉచిత వైద్య శిబిరాన్ని సందర్శించిన ఎమ్మెల్యే సౌమ్య
నందిగామ పట్టణం మెయిన్ సెంటర్‌లోని క్లాత్ మర్చంట్ ఫంక్షన్ హాల్‌లో బుధవారం నాడు వాసవి క్లబ్స్ నందిగామ వారి ఆధ్వర్యంలో నిర్వహిస్తున్న ఉచిత వైద్య శిబిరాన్ని ఆంధ్రప్రదేశ్ ప్రభుత్వ విప్, ఎమ్మెల్యే శ్రీమతి తంగిరాల సౌమ్య కూటమి నేతలతో కలిసి సందర్శించారు.
శిబిరంలో వైద్యులు నిర్వహిస్తున్న ఆరోగ్య పరీక్షలు, రోగులకు అందిస్తున్న సేవలను ఎమ్మెల్యే సౌమ్య ప్రత్యక్షంగా పరిశీలించారు. స్థానిక ప్రజలకు ఆరోగ్య సేవలను అందించడంలో వాసవి క్లబ్స్ చేస్తున్న సేవా కార్యక్రమాలు అభినందనీయమని ఆమె పేర్కొన్నారు. ప్రజల ఆరోగ్య రక్షణ కోసం ఇలాంటి శిబిరాలు మరింతగా నిర్వహించాలని సూచించారు.
ఈ సందర్భంగా శిబిరాన్ని సందర్శించిన ప్రజలతో ఎమ్మెల్యే మాట్లాడి వారి ఆరోగ్య పరిస్థితులను తెలుసుకున్నారు. వైద్యులు, నిర్వాహకులు చేసిన ఏర్పాట్లను ప్రశంసించారు. కార్యక్రమంలో కూటమి నేతలు, వాసవి క్లబ్స్ ప్రతినిధులు, స్థానిక నాయకులు పాల్గొన్నారు.
