Bharat Aawaz
Sign In Sign Up

బిల్లుల చెల్లింపుల్లో ముందుండాలని కలెక్టర్ రాహుల్ శర్మ ఆదేశాలు

BURRA KIRANKUMARA
Verified User
BMA | BHARAT AAWAZ Member
2 min read
0
Comments
629
Views

భూపాలపల్లి జిల్లా: శాసన సభ్యులు గండ్ర సత్యనారాయణ రావు, జిల్లా కలెక్టర్ రాహుల్ శర్మ, గృహ నిర్మాణ శాఖ, ఎంపీడీఓలు, మున్సిపల్ అధికారులతో కలిసి ఇళ్ల నిర్మాణాలపై సమీక్ష నిర్వహించారు. ఇందిరమ్మ ఇళ్ల నిర్మాణం ప్రభుత్వానికి అత్యంత ప్రతిష్టాత్మక కార్యక్రమం కావడంతో, గ్రౌండింగ్ నుండి నిర్మాణం పూర్తయ్యే దశలన్నింటినీ పర్యవేక్షించాలని, నిర్మాణ పనులను వేగవంతం చేయాలని సత్యనారాయణ రావు సూచించారు. రెండు పడక గదుల ఇళ్ల వివరాలు మండలాల వారీగా సమర్పించాలని మరియు లబ్ధిదారుల ఎంపికలో పేదరికమే ప్రామాణికంగా తీసుకోవాలని స్పష్టం చేశారు. రాహుల్ శర్మ బిల్లుల చెల్లింపులో ముందుండాలని, ఎం.బీ. నమోదులను సకాలంలో పూర్తి చేయమని ఆదేశించారు. లబ్ధిదారులకు పారదర్శకంగా ప్రభుత్వ గృహ పథకాల ప్రయోజనాలు అందించాలని, కాటారం డివిజన్ పరిధిలో నిర్మాణ పురోగతి తక్కువగా ఉన్నందున వేగవంతం చేయాలని చెప్పారు. స్థానిక సంస్థల అదనపు కలెక్టర్ విజయలక్ష్మి, హౌసింగ్ పీడీ శ్రీకాంత్, మున్సిపల్ కమిషనర్ ఉదయ్ కుమార్, అన్ని మండలాల ఎంపీడీఓలు, హౌసింగ్ ఏఈలు తదితరులు సమావేశంలో పాల్గొన్నారు.

##Jayashankar_district_collectorate ##Indiramma_billulu ##MLA_Gandra_satyanarayana #Collector_Rahul_Sharma ##Congress #Indiramma_illulu