భారీ వర్షాల నేపథ్యంలో ప్రజలు అప్రమత్తంగా ఉండాలి కుమరం భీం ఆసిఫాబాద్ జిల్లా కలెక్టర్ హరిత హెచ్చరిక

🎤 ఆసిఫాబాద్ భారత్ ఆవాజ్ న్యూస్ ప్రతినిధి జగదీష్,: 28 జులై కుమురం భీం ఆసిఫాబాద్ జిల్లాలో భారీ నుండి అత్యంత భారీ వర్షాలు కురిసే అవకాశం ఉన్నందున జిల్లా ప్రజలందరూ అప్రమత్తంగా ఉండాలని జిల్లా కలెక్టర్ హరిత సూచించారు. జులై 28 నుండి జులై 31 వరకు జిల్లా వ్యాప్తంగా ఉరుములు, మెరుపులతో కూడిన భారీ వర్షాలు పడే సూచనలు ఉన్నాయని వాతావరణ శాఖ హెచ్చరించిందని ఆమె తెలిపారు. వర్షంతో పాటు గంటకు 40 నుండి 50 కిలోమీటర్ల వేగంతో బలమైన ఈదురుగాలులు వీచే అవకాశం ఉన్నందున ప్రజలు అత్యవసరమైతే తప్ప ఇళ్ల నుండి బయటకు రాకూడదని స్పష్టం చేశారు. ముఖ్యంగా ఉధృతంగా ప్రవహించే వాగులు, వంకలు, నదులు, లోతట్టు ప్రాంతాలకు దూరంగా ఉండాలని సూచించారు. రైతులు పంటలు, వ్యవసాయ పరికరాలను కాపాడుకోవాలని తెలిపారు.