బాపట్ల జిల్లా పరిధిలోని వెదుళ్ళపల్లి సెంటర్ వద్ద గురువారం ఒక ప్రమాదం చోటుచేసుకుంది. గడ్డివాముతో వెళ్తున్న ఒక ట్రాక్టర్ అదుపుతప్పి రోడ్డుపై బోల్తా పడింది. అదృష్టవశాత్తు ఈ ఘటనలో ఎటువంటి ప్రాణనష్టం జరగనప్పటికీ, ట్రాక్టర్ల యజమానుల నిర్లక్ష్యం మరియు నిబంధనల ఉల్లంఘనపై స్థానికులు తీవ్ర ఆగ్రహం వ్యక్తం చేస్తున్నారు. నిబంధనలు గాలికి నిత్యం పొంచి ఉన్న ముప్పు

స్థానికులు వాహనదారులు తెలిపిన వివరాల ప్రకారం, ఈ ప్రాంతంలో ట్రాక్టర్లు నిబంధనలకు విరుద్ధంగా నడుస్తున్నాయి. అధిక లోడ్ సైడ్ డోర్లు ట్రాక్టర్లకు సైడ్ డోర్లు తీసివేసి, రోడ్డుకు ఇరువైపులా అడ్డంగా ఉండేలా గడ్డిమోపులను ఇష్టానుసారంగా లోడ్ చేస్తున్నారు. దీనివల్ల వెనుక నుంచి వచ్చే వాహనదారులకు దారి కనిపించక ప్రమాదాలు జరుగుతున్నాయి. వీటివల్ల విద్యుత్ తీగల ముప్పు మితిమీరిన ఎత్తుతో గడ్డిని తీసుకెళ్లడం వల్ల పైనున్న విద్యుత్ తీగలకు తగిలి గడ్డివాములు దగ్ధమవుతున్న ఘటనలు కూడా అనేకం ఉన్నాయి. శబ్ద కాలుష్యం తో పాత ఇళ్ల శిథిలాలు, రాళ్లు తరలించే ట్రాక్టర్లు వెనుక డోర్లు లేకుండా నడపడమే కాకుండా, పెద్ద పెద్ద సౌండ్లతో పాటలు పెట్టుకుని వాహనదారులను ఇబ్బందులకు గురిచేస్తున్నారు.

 ట్రాక్టర్ల నుంచి పడే గడ్డి, మట్టి వల్ల ద్విచక్ర వాహనదారులు స్కిడ్ అయి కింద పడుతున్నారని వాహనదారులు ఆవేదన వ్యక్తం చేస్తున్నారు. పట్టించుకోని అధికారులు ప్రజల ఆగ్రహం

ఇంత జరుగుతున్నా సంబంధిత అధికారులు మాత్రం వీటిని పట్టించుకోకుండా వదిలేస్తున్నారని స్థానికులు ఆరోపిస్తున్నారు. ట్రాఫిక్ ఇబ్బందులతో పాటు ప్రాణాపాయ స్థితి నెలకొంటున్నా చర్యలు శూన్యమని వారు మండిపడుతున్నారు.నిత్యం ఈ రోడ్డుపై వెళ్లే మాకు ఈ ట్రాక్టర్ల వల్ల ఎప్పుడు ఏం జరుగుతుందో అన్న భయం వేస్తోంది. అధికారులు తక్షణమే స్పందించి ఇష్టానుసారంగా వెళ్తున్న ట్రాక్టర్లపై కఠిన చర్యలు తీసుకోవాలి," అని స్థానిక ప్రజలు డిమాండ్ చేస్తున్నారు.వెదుళ్ళపల్లి సెంటర్ వంటి రద్దీ ప్రాంతాల్లో ఇకనైనా నిఘా పెంచి, నిబంధనలు అతిక్రమించే వాహనాలపై జరిమానాలు విధించి, ప్రజల ప్రాణాలకు రక్షణ కల్పించాలని వారు కోరుతున్నారు.