మదనపల్లి మండలంలో శనివారం మధ్యాహ్నం జరిగిన సంఘటనలో, చీకిలబైలు గ్రామానికి చెందిన రైతు చిన్నయ్య తన పంటలను కోతుల బారి నుండి కాపాడుకునేందుకు తారాజువ్వలు వెలిగించాడు. దురదృష్టవశాత్తు, ఒక తారాజువ్వ అతని తొడలోకి దూసుకెళ్లి పేలిపోవడంతో తీవ్రంగా గాయపడ్డాడు. కుటుంబ సభ్యులు అతన్ని వెంటనే సమీప ఆసుపత్రికి తరలించగా, ప్రస్తుతం అతని ఆరోగ్య పరిస్థితి నిలకడగా ఉన్నట్లు సమాచారం.
