మంగళవారం మదనపల్లిలోని మల్లికార్జున సర్కిల్ వద్ద భారీ అగ్నిప్రమాదం తప్పింది. వినాయక పశువుల దాణా బిల్డింగ్ మిద్దెపై ఉన్న గదిలో షార్ట్ సర్క్యూట్ కారణంగా మంటలు చెలరేగాయి. సమాచారం అందిన వెంటనే అగ్నిమాపక అధికారి శివప్ప సిబ్బందితో కలిసి ఘటనా స్థలానికి చేరుకుని, చాకచక్యంగా మంటలను అదుపు చేశారు. సకాలంలో స్పందించడం వల్ల ఎటువంటి ఆస్తి, ప్రాణ నష్టం జరగలేదని అగ్నిమాపక అధికారి తెలిపారు.
