357 ఓట్ల మెజారిటీతో శకుంతల రామకృష్ణ ఘన విజయం.. 4వ వార్డులో సంబరాల హోరు!
పలాస-కాశీబుగ్గ:
శ్రీకాకుళం జిల్లా పలాస-కాశీబుగ్గ మున్సిపల్ ఎన్నికల్లో 4వ వార్డులో చెల్లూరి శకుంతల రామకృష్ణ ఘన విజయం సాధించారు. తన సమీప ప్రత్యర్థిపై 357 ఓట్ల భారీ మెజారిటీతో గెలుపొందారు. ఉత్కంఠభరితంగా సాగిన ఎన్నికల పోరులో స్పష్టమైన ఆధిక్యంతో విజయాన్ని కైవసం చేసుకున్నారు.
అంబుసోలిలో విజయోత్సవ సందడి!
ఎన్నికల ఫలితాలు వెలువడిన వెంటనే అంబుసోలి గ్రామంలో విజయోత్సవ సంబరాలు అంబరాన్నంటాయి. నాయకులు, కార్యకర్తలు, అభిమానులు పెద్ద ఎత్తున తరలివచ్చి శకుంతల రామకృష్ణకు అభినందనలు తెలిపారు. బాణసంచా కాల్చుతూ, మిఠాయిలు పంచుకుంటూ విజయాన్ని ఘనంగా జరుపుకున్నారు.
అభివృద్ధికి కృషి చేస్తా..
ఈ సందర్భంగా చెల్లూరి శకుంతల రామకృష్ణ వార్డు ప్రజలకు కృతజ్ఞతలు తెలిపారు. తనపై నమ్మకంతో ఓట్లు వేసి గెలిపించిన ప్రతి ఒక్కరికీ ధన్యవాదాలు తెలియజేస్తూ, వార్డు అభివృద్ధికి నిరంతరం కృషి చేస్తానని హామీ ఇచ్చారు.
357 ఓట్ల భారీ మెజారిటీతో సాధించిన ఈ విజయం 4వ వార్డులో రాజకీయంగా ఆసక్తికర చర్చకు దారితీసింది.
