శ్రీ వైశ్య సేవా సంఘం గణేష్ మండలి 82వ నవరాత్రి ఉత్సవాల్లో భాగంగా నిర్వహించిన " ప్రసాద్ పార్టీ " కార్యక్రమంలో పాల్గొనడం జరిగింది. నగరంలోని మారుతీనగర్ వైశ్య గణేష్ మండలిని సందర్శించి అన్న ప్రసాద కార్యక్రమంలో పాల్గొనడం జరిగింది. అలాగే వైశ్య భవన్ లో ( నగరేశ్వర దేవాలయం )103వ వినాయక ఉత్సవాల్లో భాగంగా నిర్వహించిన ప్రసాద్ పార్టీ లో పాల్గొన్నాను.


హిందూ సంస్కృతి సాంప్రదాయాలను కాపాడటంలో వైశ్యులు ఎల్లప్పుడూ ముందుంటారు. వినాయక నవరాత్రులను ప్రతి ఒక్కరూ భక్తి శ్రద్ధలతో నిర్వహించి అందరికీ ఆదర్శంగా నిలబడాలి.

తెలంగాణ విమోచన దినోత్సవాన్ని పురస్కరించుకొని పార్టీ జిల్లా కార్యాలయంలో నిర్వహించిన జాతీయ జెండా ఆవిష్కరణ కార్యక్రమంలో పాల్గొనడం జరిగింది.


తెలంగాణ ప్రజల పోరాటం, త్యాగం, ఆత్మగౌరవం, భారతదేశ జాతీయ సమైక్యతకు ప్రతీక. నిజాం రాచరిక పాలన నుంచి ప్రజాస్వామ్య పాలన వైపు తెలంగాణ అడుగులు వేసిన చారిత్రక రోజు ఇది. దేశ సమైక్యత కోసం సర్దార్ వల్లభ్‌భాయ్ పటేల్ నాయకత్వంలో కేంద్ర ప్రభుత్వం తీసుకున్న నిర్ణయాలు హైదరాబాద్ సంస్థానం భారత యూనియన్‌లో విలీనం కావడానికి దారితీశాయి.


కార్యక్రమంలో జిల్లా అధ్యక్షులు శ్రీ దినేష్ కులాచారి గారు, పసుపు బోర్డు చైర్మన్ శ్రీ పల్లె గంగారెడ్డి గారు, రాష్ట్ర కార్యదర్శి స్రవంతి రెడ్డి గారు, రాష్ట్ర నాయకులు మోహన్ రెడ్డి, జిల్లా ప్రధాన కార్యదర్శి నాగోల్ల లక్ష్మీనారాయణ తదితరులు పాల్గొన్నారు.

ఈరోజు తెలంగాణ విమోచన దినోత్సవం సందర్భంగా కంటేశ్వర్ చౌరస్తాలో కార్యకర్తలతో కలిసి జాతీయ జెండాను ఆవిష్కరించి, విమోచన దినోత్సవ వేడుకలను ఘనంగా నిర్వహించడం జరిగింది.


తెలంగాణ విమోచన కోసం పోరాడిన వీరుల త్యాగాలను ఈ సందర్భంగా స్మరించుకుంటూ, వారికి ఘన నివాళులు అర్పించడం జరిగింది.

తెలంగాణ విమోచన దినోత్సవం సందర్భంగా 39వ డివిజన్లో జాతీయ జెండా ఆవిష్కరణ చేయడం జరిగింది

నందిపేట్ గ్రామ ప్రజలకు ఉపయోగకరంగా స్వచ్ఛ భారత్ మిషన్ (గ్రామీణ్) ఫేజ్–2 కింద డంపింగ్ యార్డ్ ఏర్పాటుకు రూ.40 లక్షలు మంజూరు కావడంతో, ప్లాస్టిక్ వ్యర్థాల నిర్వహణ యూనిట్ (Plastic Waste Management Unit – PWMU) ఏర్పాటుకు అనువైన స్థలాన్ని కేటాయించాలని కోరుతూ నందిపేట్ సర్పంచ్ ఎర్రం లింగం సబ్ కలెక్టర్ అభిగ్యాన్ మాల్వియా గారికి వినతిపత్రం అందజేశారు.


తెలంగాణ సర్పంచుల సంఘం రాష్ట్ర కార్యదర్శిగా, నందిపేట్ మండల సర్పంచుల ఫోరం అధ్యక్షుడిగా గ్రామంలో పారిశుధ్యం, పరిశుభ్రతకు సంబంధించిన సమస్యల పరిష్కారానికి కృషి చేస్తున్న ఎర్రం లింగం, “Clearance of Land for Plastic Waste Management Unit (PWMU)” కోసం ప్రభుత్వ నిబంధనలకు అనుగుణంగా అనువైన స్థలాన్ని కేటాయించాలని సబ్ కలెక్టర్‌ను కోరారు.


డంపింగ్ యార్డ్, ప్లాస్టిక్ వ్యర్థాల నిర్వహణ యూనిట్ ఏర్పాటుతో నందిపేట్ గ్రామంలో పారిశుధ్య నిర్వహణ మరింత మెరుగుపడి, పరిశుభ్రమైన వాతావరణం ఏర్పడే అవకాశం ఉంది.

వినాయక చవితిని పురస్కరించుకొని సార్వజనిక్ గణేష్ మండలి ( రైల్వే గేట్ గణపతి ఆలయం ) లో నిర్వహించిన ప్రత్యేక పూజా కార్యక్రమంలో పాల్గొనడం జరిగింది. ఈ సందర్భంగా పల్లకీ సేవలో పాల్గొనడం అదృష్టంగా భావిస్తున్నాను.


ఇందూరు యువత ప్రతి వినాయకుడి మండపాల్లో హిందూ ధర్మం ప్రకారం భక్తి భావంతో ఉత్సవాలు నిర్వహించాలి. సార్వజనిక్ గణేష్ మండలి సూచించిన నిబంధనలను పాటిస్తూ ముందుకు కదలాలి.


కార్యక్రమంలో సార్వజనిక్ గణేష్ మండలి అధ్యక్షులు శ్రీ బంటు గణేష్ గారు, ప్రధాన కార్యదర్శి శ్రీ శివకుమార్ గారు, కోశాధికారి శ్రీ శ్రీనివాస్ గారు, బీజేపీ కార్పొరేటర్ లు ఎర్రం సుధీర్ గారు, మఠం పవన్ గారు తదితరులు పాల్గొన్నారు.

ఈరోజు వినాయక చవితి పర్వదినాన్ని పురస్కరించుకొని విఘ్నేశ్వరుని విగ్రహాన్ని ప్రతిష్ఠాపించి, భక్తిశ్రద్ధలతో పూజలు నిర్వహించడం జరిగింది.
విఘ్నేశ్వరుని ఆశీస్సులతో అందరి జీవితాల్లో సుఖసంతోషాలు, శాంతి, సౌభాగ్యం వెల్లివిరియాలని కోరుకుంటున్నాము.
గణపతి బప్పా మోరియా! 🙏🌺

ఇందూరు నగర ప్రజలకి మరియు ఐదో డివిజన్ ప్రజలందరికీ వినాయక చవితి శుభాకాంక్షలు!
విఘ్నేశుని కృపతో ఇందూరు నగర ప్రజలందరూ మరియు 5వ డివిజన్ ప్రజలందరూ సుఖసంతోతులతో, అష్ట ఐశ్వర్యాలతో వర్ధిల్లాలని మనసారా కోరుకుంటున్నాను. ఈ పండుగ ప్రతి ఒక్కరి జీవితంలోనూ కొత్త వెలుగులను, విజయాన్నీ తీసుకురావాలని ఆకాంస్తూ...యాదల నరేష్
5th డివిజన్ కార్పొరేటర్

🌱 పర్యావరణ పరిరక్షణకు మట్టి వినాయకుడే మేలు!
నాచారంలో ఉచితంగా మట్టి వినాయక విగ్రహాల పంపిణీ
హైదరాబాద్, నాచారం:
వినాయక చవితి పర్వదినాన్ని పురస్కరించుకుని పర్యావరణ పరిరక్షణకు పెద్దపీట వేస్తూ నాచారం VST కాలనీలో ఉచిత మట్టి వినాయక విగ్రహాల పంపిణీ కార్యక్రమం నిర్వహించారు.


VST Colony Mates ఆధ్వర్యంలో, S.S.S యువసేన సహకారంతో ఈ కార్యక్రమాన్ని నిర్వహించారు. VST కాలనీలోని శ్రీ నాగదేవత రేణుక ఎల్లమ్మ అమ్మవారి ఆలయం వద్ద ఉదయం 7:45 గంటల నుంచి 9:00 గంటల వరకు భక్తులకు ఉచితంగా మట్టి వినాయక విగ్రహాలను అందజేశారు.


🛑 POPకు నో చెప్పండి.. మట్టి వినాయకుడిని ఇంటికి తీసుకెళ్లండి!


ఈ సందర్భంగా నిర్వాహకులు మాట్లాడుతూ.. ప్లాస్టర్ ఆఫ్ పారిస్ విగ్రహాల వల్ల చెరువులు, కుంటలు, నీటి వనరులపై ప్రభావం పడే అవకాశం ఉందని తెలిపారు. అందుకే పర్యావరణహితమైన మట్టి వినాయక విగ్రహాలను ప్రోత్సహించేందుకు ఉచితంగా పంపిణీ చేస్తున్నట్లు పేర్కొన్నారు.


ప్రతి ఒక్కరూ మట్టి వినాయక విగ్రహాలను ప్రతిష్ఠించి, పర్యావరణం, చెరువులు, కుంటలను కాపాడేందుకు తమ వంతు బాధ్యతగా ముందుకు రావాలని నిర్వాహకులు పిలుపునిచ్చారు.


📢 నిర్వాహకుల సందేశం:


“చిన్న మట్టి విగ్రహం.. పర్యావరణానికి పెద్ద మేలు!”
“పర్యావరణాన్ని కాపాడుదాం.. చెరువులు, కుంటలను పరిరక్షిద్దాం!”


📍 వేదిక: శ్రీ నాగదేవత రేణుక ఎల్లమ్మ అమ్మవారి ఆలయం, VST కాలనీ, నాచారం, హైదరాబాద్
📅 తేదీ: 13 సెప్టెంబర్ 2026
⏰ సమయం: ఉదయం 7:45 – 9:00 గంటల వరకు


నిర్వహణ: VST Colony Mates
సహకారం: S.S.S యువసేన


🎙️ BHARATH AAWAZ — ప్రత్యేక కథనం


పర్యావరణహిత వినాయక చవితి.. మన బాధ్యత!

ప్రభుత్వ కార్యక్రమానికి వెళ్లకుండా BRS ఎమ్మెల్యేను అడ్డుకున్న పోలీసులు


ప్రభుత్వ కార్యక్రమానికి హాజరయ్యేందుకు తన అనుచరులు, పార్టీ కార్యకర్తలతో కలిసి వెళ్తున్న స్థానిక BRS ఎమ్మెల్యేను పోలీసులు అడ్డుకున్నారు.


ప్రభుత్వ కార్యక్రమం జరుగుతున్న నేపథ్యంలో ఎమ్మెల్యే తన సహచరులు, పార్టీ కార్యకర్తలతో కలిసి కార్యక్రమానికి వెళ్లేందుకు ప్రయత్నించగా పోలీసులు ఆయనను అడ్డుకున్నారు. ఆయనతో పాటు వచ్చిన కార్యకర్తలను కూడా ముందుకు వెళ్లేందుకు పోలీసులు అనుమతించలేదు.


ఈ ఘటనతో అక్కడ కొద్దిసేపు ఉద్రిక్త పరిస్థితి నెలకొంది. ఎమ్మెల్యేను ఎందుకు అడ్డుకుంటున్నారంటూ ఆయన అనుచరులు పోలీసులను ప్రశ్నించారు. కార్యక్రమం వద్ద ఎలాంటి అవాంఛనీయ ఘటనలు చోటుచేసుకోకుండా పోలీసులు బందోబస్తు ఏర్పాటు చేశారు.


ఈ ఘటన స్థానికంగా చర్చనీయాంశంగా మారింది.

ఉప్పల్ భగాయత్‌లో రూ.30 కోట్ల అంచనా వ్యయంతో ఆత్మగౌరవ భవన సముదాయ నిర్మాణానికి శంకుస్థాపన
హైదరాబాద్‌లోని ఉప్పల్ భగాయత్‌లో తెలంగాణ రాష్ట్ర ఆర్యవైశ్య మహాసభ ఆధ్వర్యంలో ప్రతిష్టాత్మకమైన ఆర్యవైశ్య ఆత్మగౌరవ భవన సముదాయ నిర్మాణానికి భూమి పూజ కార్యక్రమం ఘనంగా నిర్వహించారు.
ఈ కార్యక్రమానికి తెలంగాణ రాష్ట్ర ముఖ్యమంత్రి శ్రీ ఎనుముల రేవంత్ రెడ్డి ముఖ్య అతిథిగా హాజరయ్యారు. తెలంగాణ రాష్ట్ర ఆర్యవైశ్య మహాసభ అధ్యక్షులు అమరవాది లక్ష్మీనారాయణ ఆధ్వర్యంలో కార్యక్రమం జరిగింది. రాష్ట్ర కార్యదర్శి పెండ్యాల విజయభాస్కర్ సహా పలువురు ఆర్యవైశ్య సంఘం నాయకులు, ప్రముఖులు పాల్గొన్నారు.

హైదరాబాద్ మహానగరంలో గణేశ్ ఉత్సవాలు ముగిసే వరకు మున్సిపల్, పోలీస్ శాఖలు సమన్వయంతో నిరంతరం పర్యవేక్షణ చేయాలని ముఖ్యమంత్రి శ్రీ ఎ. రేవంత్ రెడ్డి గారు అధికారులను ఆదేశించారు. గణేశ్ ఉత్సవాలు పర్యవేక్షణ, సమన్వయానికి ప్రత్యేక అధికారులను నియమించాలని చెప్పారు.


✅ శాసనసభ ఆవరణలోని మండలి సమావేశ మందిరంలో హైదరాబాద్ మహానగరంలో గణేశ్ ఉత్సవ ఏర్పాట్లపై ముఖ్యమంత్రి గారు ఉన్నతస్థాయి సమావేశంలో సమీక్షించారు.


✅ ఈ సమావేశంలో మంత్రులు పొన్నం ప్రభాకర్ గారు, మహమ్మద్ అజారుద్దీన్ గారు, ఎంపీ వేం నరేందర్ రెడ్డి గారు, నగర ప్రజాప్రతినిధులు, జీహెచ్ఎంసీ, సైబరాబాద్ మున్సిపల్ కార్పొరేషన్ (సీఎంసీ), మల్కాజిగిరి మున్సిపల్ కార్పొరేషన్ (ఎంఎంసీ), హైడ్రా కమిషనర్లు, పోలీసు ఉన్నతాధికారులు, గణేశ్ ఉత్సవ కమిటీ ప్రతినిధులు పాల్గొన్నారు.


✅ గణేశ్ ఉత్సవాల పర్యవేక్షణకు కమాండ్ కంట్రోల్ సెంటర్‌లో ప్రత్యేకంగా ఒక కంట్రోల్ రూమ్ ఏర్పాటు చేసుకోవాలని ముఖ్యమంత్రి గారు చెప్పారు. హైదరాబాద్ నగరం ప్రశాంతంగా ఉన్నప్పుడే పెట్టుబడులు వస్తాయని, శాంతిభద్రతలకు విఘాతం కలగకుండా జాగ్రత్త వహించాలని అన్నారు.


✅ గణేశ్ ఉత్సవాలు, నిమజ్జన కార్యక్రమాలు సాఫీగా సాగేందుకు నిర్వాహకుల నుంచి సహకారం ఉండాలని కోరారు. ఈ ఉత్సవాలకు సంబంధించి ఎలాంటి సమస్యలు ఉన్నా పరిష్కరించడానికి ప్రభుత్వం సిద్ధంగా ఉందని నిర్వాహకులకు తెలిపారు.


✅ ప్రజాప్రభుత్వం అధికారంలోకి వచ్చిన తర్వాత గణేశ్ ఉత్సవాలకు సంబంధించి గత సంప్రదాయాన్ని పునరుద్ధరించామని చెప్పారు. నిర్వాహకుల సమస్యలను స్వయంగా తెలుసుకోవడానికి తానే సమీక్ష నిర్వహిస్తున్నట్టు ముఖ్యమంత్రి గారు తెలిపారు.


✅ గణేశ్ మండపాలకు అతిథులను ఆహ్వానించిన సందర్భాల్లో ఆ వివరాలను నిర్వాహకులు స్థానిక కమిషనరేట్ కు అందించాలని విజ్ఞప్తి చేశారు. అవసరమైన ముందుజాగ్రత్త చర్యలు తీసుకోవడంతో పాటు అనుకోని పరిణామాలు జరిగినప్పుడు ఎలాంటి ఇబ్బందులు తలెత్తకుండా చర్యలు తీసుకునేందుకు నిర్వాహకులు అందించే సమాచారం ఎంతో ఉపయోగపడుతుందని తెలిపారు.


✅ దేశంలో ఎక్కడా లేని విధంగా తెలంగాణలో గణేశ్ మండపాలకు ఉచితంగా విద్యుత్ అందిస్తున్నామని, అయితే, మండప నిర్వాహకులు సంబంధిత అధికారుల వద్ద దరఖాస్తు చేసుకుని ఉచిత విద్యుత్ పొందాలని చెప్పారు.

✅ ఎక్కడెక్కడ మండపాలు ఏర్పాటు చేస్తున్నారో ముందుగానే సమాచారం అందిస్తే పోలీసులకు ట్రాఫిక్, బందోబస్తు నిర్వహణకు సులభంగా ఉంటుందని అన్నారు. అభివృద్ధి చేస్తున్న చెరువుల వద్ద బతుకమ్మలకు ఏర్పాటు చేసినట్లే గణేశ్ నిమజ్జనాలకు అనుగుణంగా నిర్మాణ సమయంలోనే అవసరమైన చర్యలు తీసుకోవాలని ముఖ్యమంత్రి గారు స్పష్టం చేశారు.


✅ నిమజ్జన ప్రక్రియ సాఫీగా సాగడానికి చెరువుల వద్ద చుట్టూ క్రేన్లను ఏర్పాటు చేయడానికి అనుగుణంగా ప్రత్యేకంగా ఏర్పాట్లు చేసేలా చర్యలు తీసుకోవాలని అధికారులను ఆదేశించారు.