దేశానికి గర్వకారణంగా నిలిచిన భౌతిక శాస్త్రవేత్త సర్ సీవీ రామన్ గారి పరిశోధనలు, ఆవిష్కరణలకు గుర్తింపుగా జరుపుకుంటున్న ‘జాతీయ సైన్స్ దినోత్సవం’ సందర్భంగా శాస్త్రవేత్తలు, నిపుణులు, యువతీ యువకులకు ముఖ్యమంత్రి శ్రీ ఎ. రేవంత్ రెడ్డి గారు శుభాభినందనలు తెలిపారు.

✳️ రామన్ గారి స్ఫూర్తిగా యువత, విజ్ఞానం, సృజనాత్మకత, ఆలోచనా శక్తికి పదునుపెట్టి సమాజానికి ఉపయోగపడే ఆవిష్కరణల దిశగా అడుగులు వేస్తూ దేశాభివృద్ధికి మార్గదర్శకం కావాలని ముఖ్యమంత్రి గారు ఆకాంక్షించారు.

✳️ "కొత్తగా ఆలోచించాలి. భిన్నంగా ఆవిష్కరించాలి. సృజనాత్మకతే రేపటి భారత్‌ను నిర్మిస్తుంది. మీ ప్రయత్నం విఫలం కాదు. సాంకేతికతను ఉపయోగించి సమాజానికి మేలు చేయండి. శాస్త్ర సాంకేతిక రంగాల్లో మహిళలు పురోగమించాలి” అని ఒక సందేశంలో యువతకు ముఖ్యమంత్రి గారు పిలుపునిచ్చారు.